ദുഖവെള്ളിക്ക് മലയാറ്റൂർ പോകുന്നത് പണ്ടേ ഒരു ശീലമായിരുന്നു. കാരണം മറ്റൊന്നുമല്ല ഇടവക പള്ളിയിൽ പോയാൽ നിൽകേണ്ടി വരും. മലയാറ്റൂർ ആണെങ്കിൽ പള്ളിയിൽ പോയി നിൽകണ്ടല്ലോ പള്ളിയിൽ പോയില്ല എന്ന് വീട്ടിൽ നീനു പരാതിയും ഇല്ല അങ്ങനെ ഈ പ്രാവശ്യം ബൈക്കിൽ ആക്കി യാത്ര. പിള്ളേരെല്ലാം കൂടി ഒരു ട്രിപ്പ് പോണമെന്ന് കുറച്ചു നാളായി വിചാരിക്കുന്നു അപ്പോളാണ് ഇങ്ങനെ ഒരു അവസരം വന്നത്. രാവിലെ ഒരു എട്ടു മണിയോടെ വീട്ടിൽ നിന്ന് ഇറങ്ങി ജങ്ങ്ഷനിൽ വച്ച് ബാക്കി എല്ലാരും വന്നു വേഗം തന്നെ പുറപ്പെട്ടു.
പത്തു മണിയോടെ ഞങ്ങൾ അടിവാരത്ത് എത്തി രാവിലെ തന്നെ നല്ല ബ്ലോക്ക് ആണ്. പിന്നെ വേറെ ഒന്നിനും കാത്തു നിന്നില്ല മല കയറി തുടങ്ങി. അമ്മോ ബാംഗ്ലൂർ ജീവിതത്തിന്റെ പ്രശ്നം ഇപ്പോൾ മനസിലായി കുറച്ചു കയറിയപ്പോഴേക്കും കിതച്ചു. പിന്നെ ഒരു കുപ്പി വെള്ളവും മേടിച്ച് ഒരു സൈഡ് പറ്റി പതുക്കെ കേറി ഒരു 11.30 ആയപ്പോൾ ഞാൻ മുകളിൽ എത്തി പിള്ളേരൊക്കെ നേരത്തെ തന്നെ എത്തിയിരുന്നു.
കുറച്ചു നേരത്തെ വിശ്രമത്തിന് ശേഷം ഞങ്ങൾ പള്ളിയിൽ കയറി തിരിച്ചു മല ഇറങ്ങി തുടങ്ങി.ഇനി വേണം അടുത്ത സ്ഥലത്തേക്ക് പോകാൻ താഴെ എത്തി തീർഥാടകർക്കുള്ള കഞ്ഞി കുടിച്ചു,ഹ എന്താ രുചി. പിന്നെ എല്ലാ പ്രാവശ്യത്തെ പോലെ ബോബി ചെമ്മണ്ണൂർ ഈ വട്ടവും കഞ്ഞിയും വെള്ളവുമൊക്കെ ആയി തകര്ക്കുന്നുണ്ട്. വേഗം കഞ്ഞി കുടിച് ഞങ്ങൾ പുറപ്പെട്ടു ഇല്ലിത്തോട് അതാണ് അടുത്ത ലക്ഷ്യം
അവിടുത്തെ ലോക്കൽ ചേട്ടന്മാരോട് ചോദിച്ചപ്പോൾ പറഞ്ഞു കാട്ടിലൂടെ ഉള്ള വഴി അടച്ചിട്ടിരിക്കുവാണെന്നു പക്ഷെ വേറെ ഒരു പുള്ളി പറഞ്ഞു ഇന്ന് തിരക്കുള്ള കാരണം വഴി തുറന്നിട്ടുണ്ട് പള്ളി പെരുന്നാൾ തീരുന്ന വരെ അടക്കില്ല എന്നും ഏതായാലും ഞങ്ങൾ പുള്ളിയുടെ വാക്ക് കേൾക്കാൻ തീരുമാനിച്ചു നേരെ ഇല്ലിത്തോട് വിട്ടു നല്ല സൂപ്പർ റോഡ് കുറച്ചു കഴിഞ്ഞപ്പോൾ ഫോറെസ്റ്റ് ചെക്ക് പോസ്റ്റ് കണ്ടു പിന്നെ അങ്ങോട്ട കാട് ആഹ നല്ല അടിപൊളി യാത്ര
വഴിയിൽ ആളുകള് ഒക്കെ ഉണ്ട് കുറച്ചു ചെന്നപ്പോൾ ഒരു മാനിനെ കണ്ടു ഫോട്ടോ എടുക്കാൻ വേണ്ടി വണ്ടി പെട്ടന്ന് നിർത്തിയപ്പോൾ പുറകിൽ വന്നവരുടെ വായിൽ നിന്ന് വേണ്ടത് കിട്ടി പിന്നെ എങ്ങും നിർത്തിയില്ല നേരെ വിട്ടു കുറച്ചു കഴിഞ്ഞു ഒരു പുഴ കണ്ടു അവിടെ ഇറങ്ങി മുഖം ഒക്കെ കഴുകി ഫ്രഷ് ആയി. അവിടെ കുളിക്കാൻ ഇറങ്ങിയാൽ നാട്ടുകാരുടെ കയ്യിൽ നിന്നും നല്ലത് കിട്ടും
ഏതായാലും കുറച്ചു ഫോട്ടോ എടുത്തതിനു ശേഷം അവിടെന്നു തിരിച്ചു ഇത്രയും വെള്ളം കണ്ട സ്ഥിതിക്ക് ഒന്ന് കുളിക്കാതെ പോകുന്നത് എങ്ങനെയ എന്നായി എല്ലാരുടെം ചിന്ത പിന്നെ ഒന്നും ചിന്തിച്ചില്ല നേരെ വിട്ടു ഭൂതത്താൻകെട്ട്
അവിടെയും നല്ല തിരക്കുണ്ട് ആളുകൾ എല്ലാം ഇറങ്ങി കുളിക്കുന്നുണ്ട് നമ്മളും ഇറങ്ങി വെള്ളത്തിന് നല്ല അടിപൊളി തണുപ്പ് ഞങ്ങളുടെ അപ്പുറത്ത് കുറച്ചു അച്ചായന്മാർ കുളിക്കുന്നുണ്ടായിരുന്നു അവർ ഒരു MH ഫുള്ളും മേടിച്ചു തണുത്ത വെള്ളത്തിൽ മുക്കി നാച്ചുറൽ രീതിയിൽ അടിക്കുന്നുണ്ടായിരുന്നു അപ്പോൾ ഞാൻ വെറുതെ മനസ്സിൽ ഓർത്തു ഇന്ന് ദുഖവെള്ളി തന്നെ ആണോ.
പത്തു മണിയോടെ ഞങ്ങൾ അടിവാരത്ത് എത്തി രാവിലെ തന്നെ നല്ല ബ്ലോക്ക് ആണ്. പിന്നെ വേറെ ഒന്നിനും കാത്തു നിന്നില്ല മല കയറി തുടങ്ങി. അമ്മോ ബാംഗ്ലൂർ ജീവിതത്തിന്റെ പ്രശ്നം ഇപ്പോൾ മനസിലായി കുറച്ചു കയറിയപ്പോഴേക്കും കിതച്ചു. പിന്നെ ഒരു കുപ്പി വെള്ളവും മേടിച്ച് ഒരു സൈഡ് പറ്റി പതുക്കെ കേറി ഒരു 11.30 ആയപ്പോൾ ഞാൻ മുകളിൽ എത്തി പിള്ളേരൊക്കെ നേരത്തെ തന്നെ എത്തിയിരുന്നു.
